Fitrat

Ishq ki inteha hai bezaar rehna
Husn ka noor hai bezaar rehna

Ajab rang-o-tilism hai is duniya ki baaton mein
Ho sake to khwabon mein bhi bedaar rehna

Har jaam par saaqi pooch uthe hai
Kaisa tha nargis mein sarshar rehna

Humne seekha teri tesha-giir aankho se
Har barq-e-bala ke liye tayyar rehna

Kisi se raghbat mein, kisi se furqat mein
Gham-khwar rehna, gham-ghusar rehna