Jaane Do
Wo jo chale gaye to, unki yaadon ko bhi jaane do
Wafa sabr zarf, chhodo in baaton ko bhi jaane do
Yaadon ki seelan baam-e-dil ko kamzor na kar dein
Hasrat-e-uns mein dabe aansuon ko beh jaane do
Goya Hain aur bhi unki rifaqat ke talabgar dehr mein
Wo jo jaana chahte hain to unhe dil se utar jaane do
Aur bhi zarooratein hoti hain husn-o-jamaal ke alawa
Aahista se samajh aayega, Zara Umr to dhal jaane do
This post is licensed under CC BY 4.0 by the author.