Khalish

03 March movie// needs edit

Zer-e-nazar bas tera khwab palta hai
Dil apni saada-goi par haath Malta hai

Wo saamne ho par nazrein na mila paaye
Muhabbat ka ibaadat ho jaana khalta hai

Tumhara mukhatib na hona bhi manzoor hai lekin
Yun nazrein Mila kar bekhabar dikhna khalta hai

Meri khamoshi cheekhti kyun nahi tumhare zehen mein
Mera dahakta hua dil is uljhan mein aur zyada jalta hai

Bhoolne ko to tumhari kayi baatein bhool gaya main
Bas ek tera gham-e-tarq-e-talluqaat nahi talta hai

Har tarah se jod kar dekh liya hai maine
Teri firaq mein dil dhaale nahi dhalta hai

Apne lehje mein narmi laun Kahan se main
Sahraa mein faqat kateela ped he phalta hai